भारतको राजधानी नयाँ दिल्लीमा रहेका २ कारखानामा मंगलबार आगलागी भएको छ ।
नयाँ दिल्लीको उत्तरी भागमा रहेको नरेला औद्योगिक क्षेत्रमा रहेका कारखानाहरुमा आगलागी भएको सरकारी अधिकारीहरुले जानकारी दिएका छन् ।
एउटा कारखानामा मध्यरातमै आगलागी भएको र अर्को कारखानामा बिहान सबेरै भएको उनीहरुले जनाएका छन् ।
यो समाचार प्रकाशित हुदाँसम्म आगलागीमा परी कसैकाेको मृत्यु भएको विवरण नआएको अधिकारीहरुले बताएका छन् ।
तर आगलागी नियन्त्रण गर्न खटिएका मध्ये ३ अग्नि नियन्त्रकहरु भने घाइते भएका समाचारमा जनाइएको छ ।
नयाँ दिल्लीमा पछिल्लो समय आगलागीका घटना निरन्तर हुँदै आएका छन् । गत सोमबार पनि कम्तीमा ९ जनाको ज्यान जाने गरी आगलागी भएको थियो ।
यही महिनाको सुरुमा भएको अर्को आगलागीको घटनामा परी अरु ४३ जनाको मृत्यु भएको थियो । दुवै घटनामा परी केही घाइते भएका छन् भने लाखौँको क्षति भएको छ ।
सुरक्षा व्यवस्थामा कमी भएको कारण आगलागी हुने गरेको सम्बन्धित अधिकारीहरुको भनाइ छ ।
प्रकाशित मिति: मंगलबार, पुस ८, २०७६
