काठमाडौँ । काठमाडौँको चन्द्रागिरि नगरपालिका–१२ गुर्जुधारामा मंगलबार बिहान नम्बर नखुलेको गाडीले ठक्कर दिँदा एकजना मोटरसाइकल चालकको मृत्यु भएको छ ।
गाडीको ठक्करबाट प्रदेश नं ३–०२–००९ प ७६२१ नम्बरको मोटरसाइकल चालक ४० वर्षीय अर्जुनबहादुर केसीको घटनास्थलमै ज्यान गएको महानगरीय प्रहरी वृत्त थानकोटका प्रहरी नायब उपरीक्षक घनश्याम श्रेष्ठले जानकारी दिए । मोटरसाइकलमा पछाडि बसेका श्रेष्ठका १४ वर्षीय छोरा अमिन भने सकुशल छन् ।
प्रहरीका अनुसार कलंकीतर्फ आइरहेको मोटरसाइकललाई सोही दिशातर्फ आइरहेको गाडीले ठक्कर दिएको प्रारम्भिक अनुसन्धानमा देखिएको छ । ठक्कर दिने गाडीको पहिचान नभएकाले खोजी जारी रहेको उनले जानकारी दिए ।
प्रकाशित मिति: मंगलबार, पुस ८, २०७६
