जनकपुरधाम । जनकपुरधाममा पुनः बम फेला परेको छ । जनकपुरधाम उपमहानगरपालिका वडा नम्बर–९ स्थित सरस्वती नमूना माध्यमिक विद्यालय नजिकै सोमबार बिहान फेरि अर्को शंकास्पद वस्तु फेला परेको हाे ।
यसअघि आइतबार राति पनि संकटमोचन मन्दिरदेखि पश्चिमपट्टि बम भेटिएको थियाे । उक्त बम नेपाली सेनकाे बम डिस्पाेजल टोलीले निष्क्रिय पारेको प्रहरीले जनाएको छ ।
यसअघि धनुषा जिल्लाकै महेन्द्रनगरमा बम बिस्फोट हुदाँ प्रहरी निरीक्षकसहित ३ जनाको मृत्यु भएको थियो ।
लगातार बम फेला पर्न थालेपछि धनुषाका स्थानीयबासी त्रसित भएको प्रहरीले बताएको छ ।
प्रकाशित मिति: सोमबार, मंसिर ३०, २०७६
