काठमाडाैं । ललितपुरस्थित लिटल एन्जल स्कुलकाे आयाेजनामा जारी अन्तरकलेज प्लस टुस्तरीय चाैथाे एलए कप फुटबल प्रतियाेगिताअन्तर्गत आइतबार भएका खेलबाट क्याम्पियन र काठमान्डु वर्ल्ड कलेज फाइनल प्रवेश गरेका छन् ।
क्याम्पियनले यश कलेजलाई १-० गाेल अन्तरले हराउँदै फाइनल यात्रा तय गरेकाे हाे । यसैगरी काठमान्डु वर्ल्ड र एलएबीच खेल समयमा १-१ गाेलकाे बराबरी भएपछि पेनाल्टी सुटआउट पुगेकाे थियाे । पेनाल्टीमा पनि ४-४ गाेलकाे बराबरी भएपछि सडेन डेथमा काठमान्डु वर्ल्डले ६-५ गाेलअन्तरले हराएकाे हाे ।
यसैगरी छात्रा फुटसल प्रतियाेगिताअन्तर्गतकाे सेमिफाइनल खेलमा काठमान्डु वर्ल्डले एलएलाई २-१ गाेल अन्तरले हरायाे । अर्काे सेमिफाइनल खेलमा डिएभीले ब्लु बर्डलाई पेनाल्टी सुटआउटमा २-१ काे अन्तरले हराउँदै फाइनल प्रवेश गरेकाे छ ।
साेमबार फाइनलमा काठमान्डु वर्ल्ड र डिएभीबीच प्रतिस्पर्धा हुने एलएका फुटबल प्रशिक्षक राजेन्द्र कार्कीले जानकारी दिए ।
प्रकाशित मिति: आइतबार, मंसिर २९, २०७६
