बुटवल । कपिलवस्तुमा आज बिहान कार दुर्घटनामा परी एक जनाको मृत्यु भएको छ भने ५ जना घाइते भएका छन् ।
पश्चिमबाट पूर्वतर्फतर्फ आउँदै गरेको बा ८ च ६३९० नम्बरको कार सोमबार बिहान दुर्घटना हुँदा कपिलवस्तु नगरपालिका ९ हरनामपुरका अन्दाजी ३० बर्षीय सुरेश पाण्डेको मुत्यु भएको हो ।
पाण्डे ग्लोबल आईएमई बैंक बनगाइका शाखा प्रमुख रहेको खुलेको छ । पाण्डेले सो कार आफैँ चलाएका थिए ।
घाइतेमध्ये २ जनाको बुटवलमा उपचार भइरहेको छ । अरुको चार नम्बरस्थित कपिलवस्तु सामुदायिक अस्पतालमा उपचार भइरहेको प्रहरीले जनाएको छ । तीव्र गतिमा रहेको कार अनियन्त्रित भएर सडक नजिकै रहेको विद्युतको पोलमा ठोक्किएको थियो ।
प्रकाशित मिति: सोमबार, मंसिर २३, २०७६
