इटहरी । इटहरी चाेकस्थित सूर्य कम्प्लेक्समा रहेको बिग बार होटलमा गएराति भीषण आगलागी भएको छ । गएराति लागेको आगो आइतबार बिहान नियन्त्रणमा लिइएको थियो । होटल पूर्ण रुपमा क्षति भएको छ ।
साढे ३ घण्टापछि ९ वटा दमकलको सहायतामा आगो नियन्त्रणमा आएको इलाका प्रहरी कार्यलय इटहरीका डिएसपी धर्मराज भण्डारीले बताए । चौथो तलामाथि रहेको होटलमा लागेको आगो निभाउन दमकल र सुरक्षाकर्मीलाई मुस्किल भएको थियो। विद्युत सर्ट भएर आगलागी भएको हुनसक्ने प्रहरीको अनुमान छ।
विराटनगर,दमक,सप्तरी,धरानको २ वटा दुहबी, महेन्द्रगर, सुन्दरहरैँचा र इटहरीका गरी ९ वटा दमकल प्रयोग गरिएको थियो । आगोको मुस्लो देखिएलगत्तै जुटेका स्थानीय, नेपाल प्रहरी, नेपाली सेना र दमकलले आगो निभाएका थिए ।
प्रकाशित मिति: आइतबार, मंसिर २२, २०७६
