काठमाडाैं । १३औँ दक्षिण एसियाली खेलकुद (साग) मा एथ्लेटिक्सको १० हजार मिटर दौडमा नेपालकी सन्तोषी श्रेष्ठले स्वर्ण पदक जितेकी छिन् ।
दशरथ रंगशालामा मंगलबार भएको खेलमा उनले निर्धारित दूरी ३५ मिनेट ७.९४ सेकेन्डमा निर्धारति दूरी पूरा गरेकी थिइन् ।
सन्तोषीले भारतकी कविता यादवलाई ०.१ सेकेन्डले पछि पार्दै स्वर्ण जितेकी हुन्। सुरुबाटै अग्रता बनाएकी उनले अन्तिमसम्म त्यसलाई कायम गर्दै स्वर्ण जितिन्। सन्तोषीलाई लगातार पछ्याए पनि कविताले रजत जितेकी छन्।
श्रीलंकाकी निलान्थी लंकाले ३५ मिनेट ५९.०२ सेकेन्डमा दाैड पूरा गर्दै कास्य पदक जितिन् ।
सन्ताेषी सागमा स्वर्ण पदक जित्ने पहिलाे नेपाली महिला एथ्लेटिक्स खेलाडी हुन् । उनले ८औँ राष्ट्रिय खेलकुदमा पनि स्वर्ण जितेकी थिइन् ।
प्रकाशित मिति: मंगलबार, मंसिर १७, २०७६
