काठमाडौं । बाराको महागढीमाई नगरपालिका ४ मा आइबारराति ट्याक्टरको ठक्करबाट पैदलयात्रीको मृत्यु भएको छ।
आइतबारराति पौने १ बजे अनटेष्ट लेखिएको ट्याक्टरको ठक्करबाट गम्भीर घाइते भएका सर्लाहीको बरथहवा नगरपालिका ५ का ६० वर्षीय राजाराम रायको उपचारको क्रममा कलैया अस्पताल बारामा मृत्यु भएको हो।
दुर्घटना पश्चात फरार रहेका चालकको खोजी भइरहेको जिल्ला प्रहरी कार्यालय बाराले जनाएको छ।
यसैगरी मकवानपुरको बागमती गाँउपालिका-५ लिलाबनमा गएराति ९ बजे ना१ह ६३१७ नम्बरको अटो रिक्सा पल्टिँदा एक महिलाको घटनास्थलमै मृत्यु भएको छ भने दुईजना घाइते भएका छन्। रिक्सामा सवार बागमती गाँउपालिका–४ की ४२ वर्षीया काउलीमाया रुम्बाको मृत्यु भएको हो।
दुर्घटनामा घाइते भएका रिक्सामै सवार बागमती गाँउपालीका-४ लालभित्ताकी १८ वर्षीया श्रीमाया घिसिङ र १२ वर्षीया मसलीमाया घिसिङको सोही ठाउँमा रहेको प्राथमिक स्वास्थ्य केन्द्रमा उपचार भइरहेको छ। रिक्सा चालक फरार रहेकाले खोजी भइरहेको छ।
प्रकाशित मिति: मंगलबार, मंसिर १७, २०७६
