ललितपुर । ललितपुरस्थित लिटल एन्जल स्कुलकाे आयाेजनामा जारी १३औं एलए कप फुटबल प्रतियाेगिताअन्तर्गत शनिबार क्वाटरफाइनल खेल सम्पन्न भएका छन् ।
क्वाटरफाइनलकाे पहिलाे खेलमा एलले (ए) ले प्रशान्त अवस्थीकाे हाट्रिकमा एनसीएमलाई १ का विरुद्ध ३ गोलले हराउँदै सेमिफाइनल प्रवेश गरेकाे छ । साे खेलका टोफिचो म्यान अफ द म्याच प्रशान्त अवस्थी घाेषित भए ।
यसैगरी भएकाे केयु ए र एड्भान्सबीच भएकाे द्स्राे खेलमा केयु (ए) ले एडभान्स कलेजलाई ० विरुद्ध १ गोलले हराउँदै सेमिफाइनलमा प्रवेश गर्याे । खेलमा गाेल गर्दै विवेक कार्की टोफिचो म्यान अफ द म्याच भए ।
यसैगरी तेस्राे खेलमा केयु (बी) ले सेन्ट जेभियर्सलाई ० का विरुद्ध २ गोलले हरायो । राजपाल केसी तथा विपुल भण्डारीले समान १ गाेल गर्दै आफ्नाे टिमलाई जित दिलाए ।
साे खेलका टोफिचो म्यान अफ द म्याच राजपाल केसी भए ।
चाैथाे खेलमा एपेक्स कलेजले ब्रिटिस कलेजलाई ० का विरुद्ध ३ गोलले हराउँदै सेमिफाइनलमा प्रवेश गरेकाे छ । दाशु बज्राचार्यले २ गाेल तथा दीपेश सिटौलाले १ गाेल गरे ।खेलकाे टोफिचो म्यान अफ द म्याच दाशु बज्राचार्य घाेषित भए ।
प्रतियाेगिताकाे सेमिफाइनल खेल आइतबार र फाइनल मंगलबार हुने आयाेजक स्कुलका खेल प्रशिक्षक राजेन्द्र कार्कीले जानकारी दिए ।
प्रकाशित मिति: आइतबार, मंसिर १५, २०७६
