दैलेख । दैलेखकाे गुराँस गाउँपालिका वडा नम्बर ४ मुंग्रामा माइक्रोबस दुर्घटना हुँदा ३ जनाको घटनास्थलमै मृत्यु भएको छ ।
सुर्खेतबाट दैलेख जाँदै गरेको भे १ ज १०२९ नम्बरको माइक्रो दुर्घटनामा परेर १ महिला र २ पुरुषकाे ज्यान गएकाे हाे । दुर्घटनामा परी मृत्यु हुनेहरुको सनाखत हुन सकेको छैन ।
दुर्घटनामा अन्य ७ जना गम्भीर घाइते भएका छन् । माइक्रोमा कति जना थिए भन्ने खुल्न नसकेको प्रहरीले जनाएकाे छ । घाइतेहरुको स्थानीय स्वास्थ्य चौकीमा उपचार भइरहेको छ ।
माइक्राे सडकबाट करिब ५० मिटर तल जंगलमा खसेको छ । प्रहरी र स्थानीयकाे सक्रियतामा उद्धारको काम भइरहेकाे प्रहरीले जनाएकाे छ ।
प्रकाशित मिति: शुक्रबार, मंसिर १३, २०७६
