ललितपुर । १३औं एलए कप फुटबल प्रतियोगिताअन्तर्गत प्रि–क्वाटरफाइनल खेल सुरु भएको छ ।
अन्तर कलेजस्तरीय जारी फुटबलको पहिलो प्रि–क्वाटरफाइनल खेल एनसीएम र नामीबीच गोलरहित बराबरीमा सकिएपछि भएको पेनाल्टीमा एनसीएमले नामीलाई ५–४ गोलले हरायो ।
आज भएको दोस्रो खेलमा एड्भान्स कलेजले केसीएम कलेजलाई ५–२ गोलले हराउँदै क्वाटरफाइनलमा प्रवेश गरेको आयोजकले जनाएको छ ।
प्रि–क्वाटरफाइनलकै तेस्रो खेलमा एलए कलेज टीम ए ले पिपुल्स कलेजलाई २–० गोलले हराउँदै क्वाटरफाइनल प्रवेश गरेको छ ।
आज भएको सेन्ट जेभियर र ट्रिनिटीबीचको चौथो प्रि–क्वाटरफाइनल खेलमा सेन्ट जेभियर कलेजले ट्रिनिटी कलेज लाई ७–० गोल अन्तरले हरायो । उक्त खेलमा राजकुमार तामाङले मात्र ४ गोल गर्न सफल भएका छन् ।
जारी एलए कपको फाइनल खेल सोमबार हुने आयोजकले जनाएको छ ।
प्रकाशित मिति: बिहीबार, मंसिर १२, २०७६
