चितवन । पूर्वी चितवनको राप्ती नगरपालिका-७ खुरखुरेमा मोटरसाइकललाई ट्रकले ठक्कर दिँदा १ जनाको मृत्यु भएको छ भने १ जना घाइते भएका छन् ।
जिल्ला प्रहरी कार्यालय चितवनले दिएको जानकारी अनुसार पूर्व-पश्चिम लोकमार्ग अन्तर्गत खुरखुरेमा पूर्वबाट टाँडीतर्फ आउँदै गरेको ना ६ ख १४४ नम्बरको ट्रकले विपरीत दिशाबाट जाँदै गरेको ना १४ प १६३ नम्बरको मोटरसाइकललाई ठक्कर दिएको थियो।
प्रहरीका अनुसार मृत्यु हुनेमा ना १४ प १६३ नम्बरको मोटरसाइकलको पछाडी सवार २८ वर्षीय पुरुष व्यक्ति रहेका छन्। उनको नामथर खुल्न सकेको छैन। सोही मोटरसाइकलका चालक गम्भीर घाइते भई उपचारका लागि भरतपुर अस्पताल ल्याइएको छ।
मोटरसाइकललाई ठक्कर दिने ट्रक र चालक प्रहरीको नियन्त्रणमा छन् ।
प्रकाशित मिति: बिहीबार, मंसिर १२, २०७६
