काठमाडौं । अर्घाखाँचीको सन्धिखर्क नगरपालिका–६, नरपानीमा बस दुर्घटना हुँदा मृत्यु हुनेकाे संख्या १९ पुगेकाे छ ।
सन्धिखर्क नगरपालिका–६ नरपानीमा बुधबार भएको बस दुर्घटना हुँदा गाडी धनी सितगंगा नगरपालिका–२ का सन्तबहादुर बस्नेत र चालक कपिलवस्तुका बसन्त भनिने ओमबहादुर थापासहित १९ जनाको ज्यान गएको प्रहरीले जनाएको छ ।
दुर्घटनामा घाइते भएका १८ जनामध्ये ८ जनाको भैरहवा मेडिकल कलेजमा र ७ जनाको चौराह अस्पताल बुटवलमा उपचार भइरहेको छ भने १ जनालाई काठमाडाैं रिफर गरिएको छ । २ जना भने उपचारपछि घर फर्किएकाे प्रहरीले बताएकाे छ ।
बुधबार दिउँसो करिब २ बजेतिर लु २ ख २१४८ बस सन्धिखर्कबाट बुटवल आउँदै गर्दा सन्धिखर्क नगरपालिका वडा नम्बर ६ नरपानीमा दुर्घटनामा परेको हो।
बुटवलबाट अर्घाखाँची गइरहेको यात्रु बस नरपानी र घुम्चीको बीचमा दुर्घटना भएको जिल्ला प्रहरी कार्यालय अर्घाखाँचीले जनाएको छ।
प्रकाशित मिति: बिहीबार, मंसिर १२, २०७६
