ललितपुरः लिटल एन्जल्स कलेज ललितपुरको आयोजनामा जारी अन्तर कलेजस्तरीय एलए कप फुटबलमा आज चार खेल सम्पन्न भएका छन् ।
आज भएको पहिलो खेलमा नेशफिल्ड कलेजले केईसीलाई २–१ गोलले पराजित गर्दै प्रि–क्वाटरफाइनलमा प्रवेश गरेको छ । नेशफिल्डका लागि दीपेश प्रसाईले २ गोल गर्दा केईसीका कविन थापाले सान्त्वना गोल फर्काए । उक्त म्याचको टोफिचो म्यान अफ द म्याच दीपेश प्रसाई घोषित भए ।
ससूह चरणको आज भएको दोस्रो तथा प्रतियोगिताको चौधौं खेलमा ब्रिटिस कलेजले क्याटफोड कलेजलाई पेनाल्टी सुट आउटमा ४–३ गोलले हरायो । खेल समयमा दुवै तर्फबाट १–१ गोल भएपछि पेनाल्टी सुट आउटबाट निर्णय लिइएको हो । म्याचको टोफिचो म्यान अफ द म्याच ब्रिटिस कलेजका आमित राउत भए ।
आज भएको क्यास्पियन र केयु ए टिमबीचको खेल २–२ को बराबरीमा सकियो । पेनाल्टी सुटआउटमा ४–३ गोलले केयु ए टिम विजय भयो । खेलको टोफीचो म्यान अफ द म्याच केयु ए टिमका उपित पराजुली घोषित भएका छन् ।
प्रतियोगिताको समूह चरण अन्तरगतको अन्तिम खेल एलए बी टिम नेशनल कलेजबीच भएको छ । उक्त खेलमा एल ए बी टिमले नेश्नल कलेजलाई १–० गोलले पराजित गरेको छ । एलए बि टिमका लागि निरज महर्जनले गरेको गोल नै जितका लागि पर्याप्त बन्यो ।
आयोजक लिटल एन्जल्सका अनुसार भोलिबाट प्रि–क्वाटरफाइनल खेल सुरु हुनेछ ।
प्रकाशित मिति: बुधबार, मंसिर ११, २०७६
