स्पेनिस ला लिगामा शनिबार राति रियल म्याड्रिडले रियल सोसिडाडमाथि ३–१ को सहज जित निकाल्दा रियलका स्टार फर्वार्ड ग्यारेथ बेलविरुद्ध समर्थकले नाराबाजी गरेका छन् ।
६७ औं मिनेटमा युवा स्टार रोड्रिगोको स्थानमा ग्यारेथ बेलले मैदान प्रवेश गरेका थिए । तर, वेलले खेलमा आफ्नै समर्थकको चर्काे नारावाजी सहनुपर्यो । चोटका कारण ५ अक्टोबरपछि पहिलोपटक रियलका लागि खेल्दै गरेका वेलविरुद्ध आफ्नै समर्थकले बेलको खुट्टामा बल पर्ने बित्तिकै चर्काे नारावाजी गरेका थिए ।
पछिल्लो समय बेलको क्लब र प्रशिक्षक जिदानसँग राम्रो सम्बन्ध रहेको छैन । ‘हामी समर्थक हामीसँगै चाहन्छौं । यसलाई नियन्त्रण गर्न सक्दैनौं । म सबै खेलाडीको प्रशंसा गर्न चहान्छु । म जितसँग खुशी छु, र बेलले आज राम्रो खेल पस्कियो ।’ प्रशिक्षक जिदानले भने ।
प्रकाशित मिति: सोमबार, मंसिर ९, २०७६
