अमेरिकाको क्यालिफोर्नियाको फ्रेस्नोस्थित पारिवारिक जमघटका बेला गोली प्रहार हुँदा ४ जना मारिएका छन् भने अरु ६ जना घाइते छन् ।
उत्तर लस एन्जलसबाट ३ सय ५० किलोमिटर टाढा यस्तो घटना भएको हो । फ्रेस्नो प्रहरी विभागका अनुसार १ घरभित्र फुटबल हेरिरहँदा १ अपरिचित व्यक्ति आएर गोली प्रहार गरी फरार भएका हुन् ।
ती व्यक्तिले घरभित्र फुटबल हेरिरहेका परिवारका सदस्यबीच पुगेर एक्कासी गोली प्रहार गरेका हुन् । प्रहरीले घटनाको छानविन हुने जनाएको छ । अमेरिकामा यसअघि यही सातामा एक स्कुलभित्रै कक्षा सञ्चालन भइरहँदा विद्यार्थीले आफ्नै सहपाठीहरुमाथि गोली चलाएका थिए ।
जहाँ २ जनाको मृत्यु भएको थियो । अमेरिकामा आम नागरिकले बन्दुग लिन पाउने वा नपाउने भन्ने विषय पछिल्लो समय आम बहस हुन थालेको छ ।
प्रकाशित मिति: सोमबार, मंसिर २, २०७६
