चितवन । माडी ठोरी हुलाकी सडकमा आज बिहान साढै ७ बजेतिर हात्तीको आक्रमणमा परी २ जनाको मृत्यु भएको छ ।
इलाका प्रहरी कार्यालय माडीका प्रमुख प्रहरी निरीक्षक हर्क विश्वकर्माका अनुसार माडी नगरपालिका वडा नम्बर ९ पुरानो अम्बुबा पोस्ट नजिकै देउराली ओरालोमा बच्चासहितको हात्तीको बथानले आक्रमण गरेको हो ।
मृत्यु हुनेमा माडी नगरपालिका वडा नम्बर १ बरुवाका ६० वर्षीय बाबुराम पौडेल र उनका छोरा ३५ वर्षीय राजु पौडेल छन् । दुवै जना लु ३१ प २९११ नम्बरको मोटरसाइकलमा निकुञ्जको बाटो हुँदै माडीबाट बाँदरझुलातर्फ जाँदै गर्दा घटना भएको हो ।
हात्ती देखेपछि मोटरसाइकल रोकेर भाग्ने क्रममा हात्तीले आक्रमण गरेको प्रहरी निरीक्षक विश्वकर्माले जानकारी दिए ।
प्रकाशित मिति: शनिबार, कात्तिक ३०, २०७६
