काठमाडौं । बम विस्फोटमा घाइतेलाई जिउँदै इँटा भट्टामा जलाएर हत्या गरेको अभियोग लागेका नेपाली कांग्रेसका सांसद आफ्ताब आलममाथिको थुनछेक बहस सकिएको छ ।
एक साताभन्दा बढी समयदेखि जारी बहस शुक्रवार सकिएको हो । आजै अदालतकाे आदेश आउने बताइएकाे छ ।
मुद्दामा प्रतिवादी रहेका प्रतिनिधिसभा सदस्य एवं पूर्वमन्त्री आलमको तर्फबाट बहस गर्ने अधिवक्ताहरुको सूची लामो भएकाले बहस सकिन ढिलाे भएको हो । प्रतिवादीको तर्फबाट शुक्रबारसम्म २८ जना अधिवक्ताले बहस गरेका थिए ।
अदालतको आदेश आजै आउने भएपछि रौतहटको सुरक्षा व्यवस्था कडा पारिएको छ । अदालत आसपासमा बाक्लो संख्यामा सुरक्षाकर्मी परिचालन गरिएको छ ।
प्रकाशित मिति: शुक्रबार, कात्तिक २९, २०७६
-1732776560.jpg)
