काठमाडौं । कतारमा हुने फिफा विश्वकप छनोटअन्तगर्त कुवेतविरुद्धको खेलका लागि नेपाली टोलीको घोषणा गरिएको छ । मुख्य प्रशिक्षक जोहान कालिनले ४ दिनपछि हुने कुवेतविरुद्धको खेलका लागि नेपाली टोलीको घोषणा गरेका हुन् ।
यो खेल चीनमा आयोजना हुने एएफसी एसियन कप २०२३ को पनि छनोट प्रतियोगिता हो । टोलीमा भरत खवास कमब्याक भएका छन् । घोषित टोलीको गोलकिपरमा किरण चेम्जोङ, विकेश कुथु र विशाल श्रेष्ठ छन् ।
यसैगरी डिफेन्डरमा सरोज दाहाल, देबेन्द्र तामाङ, अन्नत तामाङ, समुन अर्याल, दिनेश राजवंशी, अजित भण्डारी र रञ्जित धिमाल छन् ।
मिडफिल्डमा सुनिल बल, अन्जन विष्ट, विक्रम लामा, रविशंकर पासवान, मिक्चेन तामाङ, रोहिच चन्द, सुजल श्रेष्ठ, सन्तोष तामाङ र तेज तामाङ छन् भने फर्वाडमा भरत खवास, नवयुग श्रेष्ठ, विमल घर्ती र अभिषेक रिजाल परेका छन् ।
प्रकाशित मिति: शुक्रबार, कात्तिक २९, २०७६
