दमौली । करेन्ट लागेर तनहुँको म्याग्दे गाउँपालिका–२ जामुनेमा आज २ जनाको मृत्यु भएको छ । निर्माणाधीन जामुने स्वास्थ्यचौकीको भवनमा काम गर्दै गरेको अवस्थामा करेन्ट लागेर २ भारतीय नागरिकको मृत्यु भएको हो ।
मृत्यु हुनेमा २२ वर्षीय आजाद आलम र २५ वर्षीय सागर आलम रहेको जिल्ला प्रहरी कार्यालय तनहुँका प्रहरी निरीक्षक शिवराज क्षेत्रीले जानकारी दिए ।
स्वास्थ्यचौकी भवनमा मार्बलको काम गर्ने क्रममा विद्युत् सर्ट भएर उनीहरुलाई करेन्ट लागेको प्रहरीले जनाएको छ । दुवैको शव दमौली अस्पतालमा राखिएको छ ।
प्रकाशित मिति: बिहीबार, कात्तिक २८, २०७६
