चितवन । बोलेरोको ठक्करबाट आज बिहान चितवनमा १ मोटरसाइकल चालकको मृत्यु भएको छ ।
मृत्यु हुनेमा भरतपुर महानगपालिका–६ का ३० वर्षीय रोशन सापकोटा रहेको जिल्ला प्रहरी कार्यालय चितवनले जनाएको छ ।
जिल्ला प्रहरी कार्यालयका अनुसार नारायणगढबाट मुग्लिनतर्फ जाँदै गरेको बा १० च ४४१३ नम्बरको बोलेरोले विपरीत दिशाबाट आउँदै गरेको बा ६६ प २९६५ नम्बरको मोटरसाइकललाई ठक्कर दिएको थियो । ठक्करबाट घाइते सापकोटाको उपचारका क्रममा पुरानो मेडिकल कलेजमा मृत्यु भएको प्रहरीले जनाएको छ ।
मोटरसाइकललाई ठक्कर दिने बोलेरो र चालक प्रहरी नियन्त्रणमा छन् । आज बिहान साढे २ बजेतिर इच्छाकामना गाउँपालिका–६ जलवीरेमा दुर्घटना भएको प्रहरीले जनाएको छ ।
प्रकाशित मिति: बिहीबार, कात्तिक २८, २०७६
