काठमाडाैं । दाेलखाबाट काठमाडाैं आउँदै गरेकाे बस सिन्धुपाल्चोकको सुकुटेमा भएकाे दुर्घटनामा परी मृत्यु हुनेको संख्या १९ पुगेको छ । सोमबार थप २ जनाको शव फेला परेसँगै मृतकको संख्या १९ पुगेको हो ।
सोमबार सुनकोसी नदीले बगाएर ल्याएको अवस्थामा सिन्धुलीको नेपालथोकमा १ र अर्का १ जनाको शव घटनास्थलबाट केही तल भेटिएको प्रहरीले जनाएको छ । सोमबार भेटिएका २ जनाको परिचय खुल्न सकेको छैन ।
दुर्घटनामा परी ५२ जना घाइते भएका छन् । तीमध्ये ३ जनाको धुलिखेल अस्पतालमा र २ जनाको बनेपास्थित शिर मेमोरियल अस्पतालमा उपचार भइरहेको छ । अरु घाइतेलाई काठमाडौंका विभिन्न अस्पतालमा ‘रिफर’ गरिएको छ ।
प्रकाशित मिति: सोमबार, कात्तिक १८, २०७६
