काठमाडाैं। दोलखाबाट काठमाडौँका लागि छुटेकाे बस सुनकेसी नदीमा खसेर दुर्घटना भएकाे समाचार प्राप्त भएकाे छ ।
दोलखाको मागा देउरालीबाट काठमाडौँ आउदै गरेको शैलुंगेश्वर यातायातको बा २ ख ७२४५ नम्बरको यात्रुबाहक बस सिन्धुपाल्चोकको सुकुटे बिच नजिकै सुनकोसी नदीमा खसेको हो ।
डिएसपी माधव काफ्लेका अनुसार ठूलो मानवीय क्षतिको अनुमान गरिएको छ। घटनास्थलमा ६ जनाको शव फेला परेको प्रत्यक्षदर्शीले जनाएका छन् । चालक धनबहादुर तामालाई पानीबाट उद्धार गरिएको छ ।
बस नदीमा पूरै डुबेको छ। मृतक संख्या बढ्नसक्ने बताइएको छ। घटनास्थलबाट घाइतको उद्धार गरी उपचारको लागि विभिन्न अस्पताल लाने काम भइरहेको छ।
घटनाकाे विस्तृत विवरण आउन बाँकी छ ।
प्रकाशित मिति: आइतबार, कात्तिक १७, २०७६
