काठमाडौं । ६ वर्षअघि युवतीमाथि एसिड छ्यापेर फरार रहेका एक अभियुक्तलाई प्रहरीले पक्राउ गरेकाे छ । जिल्ला प्रहरी कार्यालय मकवानपुर र बाराको टोलीले बिहीबार भारत महाराजगन्ज, अमरपर्वन वडा नम्बर ६ बस्ने राज भन्ने दिलीपराज केशरीलाई पक्राउ गरेको हो ।
केशरीले २०७० वैशाख ९ गते बिहान करिब साढे ११ बजे हेटौंडा ३ बस्ने बिन्दवासिनी कंशाकारकाे अनुहारमा एसिड छ्यापेका थिए । प्रहरीले केशरीलाई बारा जितपुर सिमरा उपमहानगरपालिका वडा नम्बर २३ भलोहीस्थितमा लुकिछिपी रहेको अवस्थामा पक्राउ गरेको प्रहरीले जानकारी दिएको छ।
घटनाको थप अनुसन्धान भइरहेको प्रहरीले जानकारी दिएको छ। अदालतबाट दोषी ठहरिए केशरीलाई मुलुकी ऐन ज्यानसम्बन्धी महलको १५ अनुसार ५ वर्षदेखि १२ वर्षसम्म कैद सजाय हुने छ ।
प्रकाशित मिति: शुक्रबार, कात्तिक १५, २०७६
-1732776560.jpg)
