काठमाडौं । अदालतले बलात्कारको आरोपमा अनुसन्धानका लागि प्रहरी हिरासतमा रहेका निवर्तमान सभामुख कृष्णबहादुर महरालाई थप ७ दिन हिरासतमा राख्न अनुमति दिएको छ।
बिहीबार दोस्रो पटको महरालाई म्याद सकिएपछि प्रहरीले थप म्यादका लागि जिल्ला अदालत काठमाडौंमा उपस्थित गराएको थियो । पहिलोपटक अनुसन्धान गर्न अदालतले १३ दिनको म्याद दिएको थियो । त्यस्तै दोस्रो पटक पाँच दिन म्याद दिएकामा आज थप ७ दिन दिएकाे हाे ।
स्वास्थ्यमा समस्या देखिएर नर्भिक अस्पतालमा भर्ना भएका महरालाई नर्भिक अस्पतालबाट नै सरकारी वकिल कार्यालय लगिएको थियो।
संसद सचिवालयकी एक कर्मचारीले यौन दुर्व्यवहारको आरोप लगाएपछि प्रहरीले महरालाई असोज १९ गते साँझ पक्राउ गरेको थियो ।
प्रकाशित मिति: बिहीबार, कात्तिक ७, २०७६
-1732776560.jpg)
