धनुषा । जनकपुरस्थित बुद्ध एअरकाे काउन्टरमा ताेडफाेड गरेका सांसद् प्रमोदकुमार साह साधारण तारेखमा रिहा भएका छन् । राष्ट्रिय जनता पार्टी (राजपा) का तर्फबाट प्रतिनिधि सभाका सांसद प्रमोदकुमार साहलाई जिल्ला अदालत धनुषाले शुक्रबार साधारण तारेखमा छाड्न आदेश दिएकाे हाे ।
जहाज ढिलो भएको भन्दै बुद्ध एयरको काउन्टर तोडफोडको आरोपमा साहविरुद्ध परेको मुद्दामाथि शुक्रबार न्यायाधीश तेजनारायण पौडेलले रिहाइको आदेश दिएका हुन् ।
काठमाडौं जान गत सोमबार जनकपुर विमानस्थल पुगेका सांसद साहले जहाज ढिलो भएको झोंकमा बुद्ध एयरको काउन्टरमा लात्ती हानेका थिए । उनलाई प्रहरीले मंगलबार त्रिभुवन विमानस्थलको आन्तरिक टर्मिनलबाट पक्राउ गरेर जनकपुर ल्याएर मुद्दा चलाएको थियो ।
सांसद साह रिहा भएपछि राजपाले धनुषा, सर्लाहीसहितका जिल्लामा आह्वान गरेको बन्दसहितका कार्यक्रम फिर्ता लिने निर्णय गरेको छ ।
प्रकाशित मिति: शुक्रबार, कात्तिक १, २०७६
-1732776560.jpg)
