सिन्धुपाल्चोक । सिन्धुपाल्चाेककाे इन्द्रावती गाउँपालिका १० मा शुक्रबार बिहान भएकाे बस दुर्घटनामा परी ज्यान गुमाउनेकाे संख्या ११ पुगेको छ ।
सिपाटारबाट काठमाडौं आउँदै गरेको बा २ ख २७१५ नम्बरको बस ब्रेकफेल भइ दुर्घटनामा परेको प्रहरीले जनाएकाे छ । दुुर्घटनामा परी घाइते भएका पाँच जनाको उपचार क्रममा धुलिखेल अस्पतालमा मृत्यु भएको बताइएकाे छ ।
मृतकमध्ये पाँचजनाको सनाखत भएको छ। इन्द्रावती ९ का हिरा श्रेष्ठ, सोही स्थानका विनोद लम्साल, इन्द्रवती १० ऋदेश आचार्य, चालक काभ्रे बनेपाका केदार महाजु पाँचखालकी संगीता फुर्कोटीको सनाखत भएको काफ्लेले बताए ।
घाइतेको उद्धारमा नेपाल प्रहरी, सशस्त्र प्रहरी, नेपाली सेना र स्थानीय खटिरहेका छन्। घाइतेको एम्बुलेन्स र हेलिकप्टरबाट उद्धार भइरहेको इन्द्रावती गाउँपालिका १० का वडाअध्यक्ष जीवन थापामगरले जानकारी दिए
प्रकाशित मिति: शुक्रबार, असोज २४, २०७६
