सिन्धुलीमा गाेली हानेर श्रीमती र छोरीको हत्या, छाेरामाथि खुकुरी प्रहार

सुरक्षा/अपराध

आजको न्युज शुक्रबार, असोज २४, २०७६

सिन्धुली । सिन्धुलीको गोलान्चोर गाउँपालिका ६ टेकबहादुर मश्राङ्गीले गोली हानेर आफ्नै श्रीमती र छोरीको हत्या गरेका छन् भने छोरालाई खुकुरी प्रहार गरी घाइते बनाएका छन् ।

मदिरा सेवन गरेर घर गएका टेकबहादुरले बिहीबार राति ११ बजेतिर सुतीरहेकी श्रीमती किरण र छोरी प्रियंसुको गोली हानी हत्या गरेका हुन् ।

टेकबहादुरले श्रीमती र छोरीको हत्यापछि १९ वर्षीय छोरा कृष्णमाथि खुकुरी प्रहार गर्दा उनको दायाँ हातमा चोट लागेको जिल्ला प्रहरी कार्यालय सिन्धुलीका प्रहरी नायब उपरीक्षक (डीएसपी) लोकदर्शन थापाले जानकारी दिए ।

कृष्णलाई उपचारका लागि सदरमुकाम सिन्धुलीमाढीमा रहेको जिल्ला अस्पतालमा ल्याइएको छ । टेकबहादुरलाई पक्राउ गरी घटनाबारे अनुसन्धान भइरहेको प्रहरीले जनाएको छ ।

प्रकाशित मिति: शुक्रबार, असोज २४, २०७६

प्रतिक्रिया दिनुहोस्