काठमाडाैं । सिन्धुपाल्चोक इन्द्रावती गाउँपालिका वडा नम्बर १० बडहरेको भोटसीपामा बस दुर्घटना हुँदा ८ जनाको मृत्यु भएको छ।
सिपाटारबाट काठमाडौं आउँदै गरेको बा २ ख २७१५ नम्बरको बस ब्रेकफेल भइ दुर्घटनामा परेको प्रहरीले जनाएकाे छ । बसले च्यापेका ८ जनाको शव निकालिएको छ। मृतकहरुकाे सनाखत हुन सकेकाे छैन ।
दुर्घटनामा परी ६० जनाभन्दा बढी घाइते भएका छन् । उनीहरुको उद्धार गरी जोडगाउँस्थित हेल्थ पोस्ट तथा धुलिखेल अस्पताल लगिएको र त्यहाँबाट गम्भीर घाइतेहरुलाई हेलिकप्टरबाट थप उपचारका लागि काठमाडौं ल्याउने तयारी भइरहेको प्रहरीले बताएकाे छ ।
बस भीरबाट २ सय मिटर खसेकाे थियाे ।
प्रकाशित मिति: शुक्रबार, असोज २४, २०७६
