पाेखरा । पोखरा महानगरपालिका–३१ बेगनासको त्रिशूली डाँडामा आज बस दुर्घटना भएको छ ।
बेगनासबाट पोखरा आउँदै गरेको ग १ ख ४७७१ नम्बरको बस सडकबाट झण्डै ६० फिट तल खसेको हो ।
इलाका प्रहरी कार्यालय शिशुवाका प्रमुख मोहन खाँणका अनुसार दुर्घटनाबाट बसमा सवार करिब ३० यात्रु घाइते भएका छन् ।
घाइतेलाई पोखराका विभिन्न अस्पतालमा उपचारका लागि लगिसकिएको छ । दुर्घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति: शुक्रबार, असोज १७, २०७६
