चीनको झेजिआङ प्रान्तको निङ्गबो सहरमा अवस्थित एक कारखानामा भएको आगलागीमा परी कम्तीमा १९ जनाकाे मृत्यु भएकाे स्थानीय जानकारी दिएकाे छ ।
दैनिक आवश्यकताका सामग्री उत्पादन हुने यस कारखानामा स्थानीय समयानुसार आइतबार मध्यराति साढे १ मा आगलागी सुरु भएको बताइएको छ ।
स्थानीय समयानुसार सोमबार बिहान ६ बजे सो आगलागीमा परी मारिने व्यक्तिको सङ्ख्या १९ पुगेको प्रहरीले जनाएको छ ।
यस दुर्घटनाको कारणबारे अनुसन्धान भइरहेको जानकारी दिइएको छ ।
प्रकाशित मिति: सोमबार, असोज १३, २०७६
