काठमाडौं: नेपाल इन्जिनियर्स एशोसिएसन ३ नं. प्रदेश कार्यकारिणी समितिको आयोजनामा प्रथम एनईए पीथ्रि कप फुटसल म्यानिया प्रतियोगिता सुरु भएको छ । प्रतियोगितामा इन्जिनियर्स एशोसिएसनमा आवद्ध इन्जिनियरहरुको २३ टोलीले भाग लिएका छन् ।
आज पहिलो चरणको खेल सम्पन्न भएको छ । भोलि सेमिफाइनल र फाइनल चरणका खेलहरु हुने नेपाल इन्जिनियर्स एशोसिएसन ३ नं. प्रदेश कार्यकारिणी समितिका सभापति नन्दलाल बञ्जाडेले जानकारी दिए ।
एशोसियनका केन्द्रिय अध्यक्ष प्राध्यापक डा. त्रिरत्न बज्रचार्यको प्रमुख आतिथ्य एवं ३ नं. प्रदेश कार्यकारिणी समितिका सभापति नन्दलाल बन्जाडेको सभापतित्वमा खेल उदघाटन गरिएको थियो ।
प्रतियोगिताको बिजेताले मेडल, ट्रफी, प्रमाणपत्र र ३० किलोको खसी एवं सहबिजेताले मेडल, ट्रफी, प्रमाणपत्र र २० किलोको खसी पुरस्कार पाउनेछन् ।
प्रकाशित मिति: शनिबार, असोज ११, २०७६
