धनुषा: जनकपुरधाममा लुटपाट गर्न आएको समूहलाई प्रहरीले गोली प्रहार गरी नियन्त्रणमा लिएको छ । जिल्ला प्रहरी कार्यालय धनुषाका अनुसार आज बिहान करिब ३ः३० बजेको समयमा गोली प्रहार गरी चार जना लुटेराहरूलाई नियन्त्रणमा लिइएको हो।
जनकपुरकाे जानकी फर्निसिङ पसलमा लुटपाट गर्दागर्दै चार जनाको समूहलाई प्रहरीले तीन राउण्ड गोली चलाएर नियन्त्रणमा लिएको हो ।
पक्राउ पर्नेमा दुई जना भारतीय र दुई जना रौतहटका बासिन्दा छन् । पसलको सटर फोडेर लुटपाट गर्न लाग्दा प्रहरीले देखेपछि उनीहरू भाग्न खोजेका थिए । तर ३ राउण्ड गोली चलाएर उनीहरूलाई नियन्त्रणमा लिइएको धनुषाका प्रहरी प्रमुख एसपी शेखर खनालले जानकारी दिए ।
प्रकाशित मिति: बिहीबार, असोज ९, २०७६
