चितवन । चितवनको युनाइटेड प्याकेजिङ उद्योगमा आगलागी हुँदा करोडौंको क्षति भएको छ । भरतपुर महानगरपालिका–४ मा रहेको युनाइटेड प्याकेजिङ प्रालिमा मंगलबार बिहान आगलागी भएको हो ।
बिहान ३ बजेदेखि लागेको आगो मध्याह्नतिर मात्र नियन्त्रणमा आएको थियो । चट्याङ पर्दा विद्युत् सर्ट भइ कार्टुन बनाउने उक्त उद्योगमा आगलागी भएको प्रहरीको अनुमान छ ।
पाँच वटा दमकलको सहायतामा सुरक्षाकर्मी र स्थानीयले आगो नियन्त्रणमा लिएका थिए । आगलागीबाट करिब पाँच करोड रुपैयाँको क्षति भएको उद्योगले जनाएको छ ।
प्रकाशित मिति: मंगलबार, असोज ७, २०७६
