काठमाडौं: श्री एयरलाइन्स ८५ वर्षमाथिका जेष्ठ नागरिकलाई ५ सय रुपैयाँमै यात्रा गराउने भएको छ।
साथै ७५ वर्ष माथिका जेष्ठ नागरिकलाई भने इन्धन र करबाहेकको भाडामा ५० प्रतिशत छुट दिने भएको छ। यो छुट रकम अफर भाडामा भने लागू नहुने कम्पनीले जानकारी दिएको छ।
श्री एयरलाइन्सले अहिले भद्रपुर, विराटनगर, भैरहवा, नेपालगञ्ज र धनगढीमा नियमित उडान गर्दै आएको छ । केही दिन अगाडि मात्रै नेपाल एयरलाइन्सले पनि आन्तरिक उडानमा ७० वर्ष माथिका नागरिकलाई ५० प्रतिशत छुट दिने योजना सार्वजनिक गरेको थियो।
प्रकाशित मिति: सोमबार, असोज ६, २०७६
