काठमाडाैं । सिन्धुलीमा बस दुर्घटना हुँदा २३ जना घाइते भएका छन् । सिन्धुलीकाे मरिण गाउँपालिकाबाट काठमाडौँतर्फ आउँदै गरेको यात्रुबाहक बस दुर्घटना हुँदा २३ जना घाइते भएका हुन् ।
यात्रु लिएर काठमाडौँतर्फ आउँदै गरेको बा ३ ख ९६८४ नम्बरको बस बिपी राजमार्गअन्तर्गत सिन्धुलीकै सुनकोशी गाउँपालिका–६ कानढुङ्ग्रीमा दुर्घटना भएको इलाका प्रहरी कार्यालय खुर्कोटले जनाएको छ ।
दुर्घटना हुँदा बसमा सवार २३ जनाको हाल खुर्कोटस्थित शुभजीवन, सुनकोसी अस्पतालमा उपचार भइरहेको जिल्ला प्रहरी कार्यालय सिन्धुलीका प्रहरी उपरीक्षक चक्रबहादुर सिंहले जानकारी दिए । केहीलाई थप उपचारका लागि धुलिखेल पठाइएको उनले जानकारी दिए ।
प्रकाशित मिति: बुधबार, असोज १, २०७६
