सिन्ह्वा । ट्युनिसियामा नयाँ राष्ट्रपति चयनका लागि आइतबार मतदान भएको छ ।
पहिलो चरणको निर्वाचन अन्तर्गत आइतबार २४ प्रान्तमा मतदान भएको निर्वाचन आयोगले जनाएको छ । देशको राष्ट्रपति बन्नका लागि ट्युनिसियामा अहिले २६ जना नेता चुनावी मैदानमा रहेको आयोगको भनाइ छ ।
आइतबारको निर्वाचनमा ७० लाखभन्दा बढीले मतदान गर्ने अपेक्षा गरिएको छ । ट्युनिसियामा सन् २०११ देखि अहिले दोस्रो पटक राष्ट्रपतीय निर्वाचन हुन लागेको हो ।
यसैबीच, पूर्व राष्ट्रपति स्वर्गीय बेजी सैड इस्सेब्सीकी श्रीमती चाड्लिया फार्रात इस्सेब्सीको निधन भएको छ । विभिन्न स्वास्थ्य समस्याका कारण उहाँको आइतबार निधन भएको स्वास्थ्य परिवारजनले जानकारी दिएका छन् ।
नयाँ राष्ट्रपति चयनका लागि मतदान भइरहेकै दिन पूर्व राष्ट्रपतिकी पत्नी इस्सेब्सीको ९२ वर्षको उमेरमा निधन भएको हो ।
प्रकाशित मिति: आइतबार, भदौ २९, २०७६
