आहा ! कति सुन्दर सुन्दरीजल (तस्बिरहरू)

पर्यटन

दीपक आचार्य शनिबार, भदौ २८, २०७६

काठमाडौं । काठमाडौंबाट उत्तरतर्फ अवस्थित सुन्दरीजल क्षेत्र शिवपुरी नागार्जुन राष्ट्रिय निकुञ्जको प्रवेशद्वारको रुपमा परिचित छ । निकुञ्जको धेरै हिस्सा आगटेको यो क्षेत्र काठमाडौँ उपत्यकालाई पिउने पानी उपलब्ध गराउने प्रमुख जलाधार क्षेत्र पनि हो ।

यस स्थानमा प्रसिद्ध श्री सुन्दरीमाईको मन्दिर पनि छ । यहाँको रमणीय वातावरण तथा कञ्चन र सुन्दर बागमती नदी बग्ने स्थान भएकाले पनि यस ठाउँलाई सुन्दरीजल भनिएको विश्वास गरिन्छ ।

यसै क्षेत्रमा नेपालको दोस्रो जलविद्युत गृह सुन्दरीजल जलविद्युत गृह छ । ६ सय ४० किलोवाट क्षमताको यस जलविद्युत गृहको निर्माण वि.सं. १९९२ सालमा तत्कालीन राणा प्रधानमन्त्री जुद्ध शमशेरले गरेका थिए ।

यहीँबाट सुरु हुने शिवपुरी राष्ट्रिय निकुञ्जले उत्तरतर्फ नुवाकोट र सिन्धुपाल्चोक जिल्ला छोएको छ । स्यालमती र नागमती नदीको संगममा रहेको प्रसिद्ध बागमतीको मूलद्वार पनि यही क्षेत्रमा पर्छ ।

हेरौं सुन्दरीजलका केही सुन्दर तस्बिरहरूः