स्थानीय तीन उखु उद्योगले गरिब किसानको उखु खरिद गरेबापतको ६४ करोड रुपैयाँ भुक्तानी दिएका छैनन् ।
यस क्षेत्रका बागमती, इन्दिरा र सुनवल चिनी मिलले किसानका लागि सरकारले उपलब्ध गराएको अनुदान समेत बाडेका छैनन् ।
सरकारी अनुदान समेत जोड्दा किसानले नपाएको ६४ करोडभन्दा माथि पुग्छ । तीन उद्योगमध्ये सबैभन्दा बढी सुस्ता गाउँपालिका–२ कुडियाको बागमती खाँडसारी मिलले २२ करोड रुपैयाँ भुक्तानी गर्न बाँकी छ ।
यो उद्योगले ३३ करोड ४४ लाख रुपैयाँ भुक्तानी गर्नुपर्नेमा साढे २२ करोड रुपैयाँ बाँकी राखेको छ ।
उद्योगका प्रमुख कार्यकारी निर्देशक टंकनाथ काफ्लेले अघिल्लो वर्षको भुक्तानी सकेर यो वर्ष करिब ६ करोड रुपैयाँ किसानलाई भुक्तानी गरिएको जानकारी दिए । आजको नागरिक दैनिकमा समाचार छ ।
प्रकाशित मिति: आइतबार, भदौ १५, २०७६
