काठमाडौं । आज देशैभर आंशिकदेखि सामान्य बदली हुने र केही स्थानमा हल्कादेखि मध्यम वर्षा हुने जल तथा मौसम पूर्वानुमान महाशाखाले जनाएको छ । मध्य तथा पश्चिमी पहाडी भूभागका एकर्दुइ स्थानमा भारी वर्षाको सम्भावना रहेको विभागले जानकारी दिएको छ ।
आगामी तीन दिनको मौसम पूर्वानुमान
भदौ ५ गते बिहीबार
दिउँसोः देशभरि आंशिकदेखि सामान्य बदली रही केही स्थानमा हल्कादेखि मध्यम वर्षा हुने छ । देशको मध्य तथा पश्चिमी पहाडी भूभागका एकदुई स्थानमा भारी वर्षाको सम्भावना छ ।
रातिः देशका धेरैजसो स्थानमा सामान्यतया बदली रही मध्य तथा पूर्वका केही स्थानका साथै पश्चिमका थोरै स्थानमा मेघगर्जनसहित हल्कादेखि मध्यम वर्षा हुने छ ।
भदौ ६ गते शुक्रबार
दिउँसोः देशको पूर्वी भागमा सामान्य बदली साथै मध्य तथा पश्चिमी भागमा आंशिकदेखि सामान्य बदली रही देशका केही स्थानमा हल्कादेखि मध्यम वर्षा हुने छ । मध्य तथा पूर्वी पहाडका एकदुई स्थानमा भारी वर्षाको सम्भावना छ ।
रातिः देशका धेरैजसो स्थानमा सामान्यदेखि पूर्ण बदली रही मध्य तथा पूर्वका धेरै स्थानमा साथै पश्चिमका केही स्थानमा मेघगर्जनसहित हल्कादेखि मध्यम वर्षा हुने छ । देशको मध्य तथा पूर्वी भूभागका थोरै स्थानमा भारी वर्षाको सम्भावना छ ।
भदौ ७ गते शनिबार
दिउँसोः देशभर सामान्यदेखि पूर्ण बदली रही केही स्थानमा मेघगर्जनसहित हल्कादेखि मध्यम वर्षा हुने छ । देशको मध्य तथा पश्चिमी भागका थोरै स्थानमा भारी वर्षाको सम्भावना छ ।
रातिः देशको पश्चिमी तथा मध्य भूभागमा सामान्यदेखि पूर्ण बदली साथै पूर्वी क्षेत्रमा आंशिकदेखि सामान्य बदली रही देशका केही स्थानमा हल्कादेखि मध्यम वर्षा हुने छ । मध्य तथा पश्चिमी भागका थोरै स्थानमा भारी वर्षाको सम्भावना छ ।
प्रकाशित मिति: बिहीबार, भदौ ५, २०७६
-1732776560.jpg)
