काठमाडौं: नेपाली फरवार्ड विमल घर्ति मगरले माल्दिभ्सको प्रिमियर लिगमा उच्च प्रदर्शनलाई जारी राखेका छन् । उनी सम्मिलित टिसी स्पोर्टस क्लबले शुक्रबार धिवेही प्रिमियर लिगमा जित निकाल्दा विमल खेलको म्यान अफ दी म्याच चुनिएका थिए ।
टिसीले निलान्धो स्पोर्ट्स क्लबलाई २–० ले पराजित गरेको हो । टोलीका लागि विमल र इशान इब्राहिमले गोल गरे ।
साविक विजेता टिसी ७ चरणको खेल सकिदा १२ अंकसहित चौथो स्थानमा छ । त्यत्तिनै खेलमा शीर्षस्थानमा रहेको माजियाको १७ अंक छ ।
प्रकाशित मिति: शनिबार, साउन २५, २०७६
