नेपाल घुम्न आउने पर्यटकको पहिलो भेट सुरक्षाकर्मीसँग । त्यसैले सुरक्षाकर्मीको व्यवहार पर्यटनमैत्री हुनुपर्छ ।
अतिथि देवोः भवः भने झै आगन्तुकहरुलाई राम्रो स्वागत सत्कार तथा उचित सम्मानको वातावरण भयो भने पर्यटकहरु दोहोर्याएर नेपाल भ्रमण गर्न आउँछन् । अझ आफ्नै भाषामा कुरा गर्न पायो भने पर्यटकहरु झन् खुशी हुन्छन् ।
त्यसैले ‘नेपाल भ्रमण वर्ष २०२०’ लाईसमेत लक्षित गरेर त्रिभुवन अन्तर्राष्ट्रिय विमानस्थलमा सुरक्षार्थ खटिएका प्रहरी कर्मचारीलाई चिनियाँ तथा फ्रेन्च भाषा सिकाइएको छ । त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख प्रहरी वरिष्ठ उपरीक्षक सन्दिप भण्डारीले नेपाल भ्रमण वर्ष २०२० लाई प्रवद्र्धन गर्नका लागि आगन्तुकले बोलेका कुरा बुझेर सेवा प्रदान गर्न तथा नेपाल सरकारको पर्यटक भित्र्याउने योजना सफल बनाउन प्रशिक्षण दिइएको बताए।
आज समापन गरिएको प्रशिक्षण कार्यक्रममा उद्लेद प्रहरी कर्मचारीलाई तालीममा सिकेका सीपलाई व्यवहारमा लागू गरी यात्रुमैत्री सेवा प्रवाह गर्न निर्देशन दिँदै तालीमले व्यवसायिक तथा व्यक्तिगत जीवनमासमेत सहयोग पुग्ने विचार व्यक्त गरे । उद्दद्ये सेवाग्राहीलाई सन्तुष्ट पार्न, उनीहरुको अपेक्षा र नेपाल प्रहरीको दृष्टिकोण र उद्देश्यअनुसार सेवा प्रदान गर्न प्रहरी कर्मचारीलाई आग्रह गरे । भाषाको ज्ञान हुँदा यात्रुलाई परेका समस्या सजिलै समाधान गरी व्यवहार परिवर्तन गर्न सहयोग हुन्छ ।
प्रशिक्षणमा त्रिभुवन अन्तर्राष्ट्रिय विमानस्थल सुरक्षार्थ खटिएका विमानस्थल प्रहरी, केन्द्रीय प्रहरी विशेष कार्यदल, ट्राफिक प्रहरी, पर्यटक प्रहरीको सहभागिता रहेको थियो । यसअघि पनि अङ्ग्रेजी भाषा, आचरण र व्यवहार, सकारात्मक सोचको विकास, शिष्ट व्यवहार विषयमा समेत प्रहरी कर्मचारीलाई प्रशिक्षण दिइएको अन्तर्राष्ट्रिय विमानस्थल सुरक्षा कार्यालयले जनाएको छ ।
प्रकाशित मिति: मंगलबार, साउन ७, २०७६
