युरोपेली च्याम्पियन्स लिगको विजेता लिभरपुल प्रि-सिजनको मैत्रीपूर्ण खेल अन्तर्गत आइतबार राती स्पेनिस क्लब सेभिल्लासँग २-१ ले पराजित भएको छ ।
सेभिल्लाले खेलको ३७ औं मिनेटमा नोलिटोको गोलमा अग्रता लिएको थियो । पहिलो हाफको अन्तिम मिनेटमा लिभरपुलले बराबरी गोल फर्काएको थियो । डिभोक ओरिगीले पेनाल्टी क्षेत्र भित्रबाट गोल गरेका थिए । एलेक्जेन्डर आर्नोल्डको क्रस डिफेन्डरले क्लियर गर्न नसक्दा ओरिगिले गोल गरेका थिए ।
दोस्रो हाफको ७६ औं मिनेटमा सेभिल्ला १० खेलाडीमा सिमित भएको थियो । लिभरपुलका लारोचीलाई सेभिल्लाका नाग्ननले फल गरेपछि रेफ्रीले सिधै रातो कार्ड देखाएका थिए ।
खेलको अन्तिम मिनेटमा सेभिल्लाले पोजोको गोलमा अग्रता लियो । थप समयमा गोल हुन नसक्दा लिभरपुल खेलमा पराजित हुन पुग्यो ।
प्रकाशित मिति: सोमबार, साउन ६, २०७६
