अविरल वर्षाका कारण पहिरो जाँदा भोजपुरमा तीन जना पुरिएका छन् । जिल्लाको रामप्रसाद राई गाउँपालिका–५ मानेभञ्ज्याङमा पहिरो जाँदा तीन जना पुरिएको भोजपुरका डिएसपी नरबहादुर सलामीले जानकारी दिए ।
‘पुरिएको खबर आएपछि घटनास्थलमा प्रहरी पुगेको छ’, डिएसपी नरबहादुरले भने, ‘पहिरो खसिरहेको छ, हामी उद्धारको प्रयास गरिरहेका छौं ।’पहिरोमा पुरिएर मनकुमारी राई, उनका छोरा शिवकुमार राई र शक्तिकुमार राई हराइरहेका छन् ।
घटनास्थलमा मानेभञ्ज्याङ चौकीबाट प्रहरी नायब निरीक्षकको कमान्माड प्रहरी टोली पठाइएको प्रहरी निरीक्षक पाण्डव राजवंशीले जानकारी दिएका छन् । भान्सामा बसेका बेला पहिरो आउँदा उनीहरु पुरिएको हुन सक्ने बताइएको छ ।
प्रकाशित मिति: शनिबार, असार २८, २०७६
