संयुक्त राज्य अमेरिकाले महिला विश्वकप फुटबलकाे उपाधि जितेको छ । आइतबार भएको फाइनलमा नेदरल्यान्ड्सलाई २-० ले पराजित गर्दै अमेरिकाले उपाधि जितेकाे हाे ।
निकै प्रतिस्पर्धात्मक खेलको पहिलो हाफ गोलरहित बराबरीमा सकिएको थियो । दोस्रो हाफको ६१ औं मिनेटमा मेगन रापिनोले पेनाल्टीमार्फत गोल गर्दै अमेरिकालाई सुरुवाती अग्रता दिलाएकी थिइन् । ६९ औं मिनेटमा रोस लाभेल अमेरिकाको अग्रता दोब्बर पारिन् । अमेरिकाको यो चौथो उपाधि हो ।
प्रकाशित मिति: सोमबार, असार २३, २०७६
