बागलुङ : जिल्लाको ताराखोला गाउँपालिका-४ हिलका एक बालक १४ दिनदेखि बेपत्ता भएका छन्। हाल बागलुङ सदरमुकामस्थित धौलागिरी चोकमा बस्दै आएका १३ वर्षीय अनिल राई गत असार ६ गतेदेखि सम्पर्कबिहीन भएको परिवारले जनाएको छ।
राई बागलुङस्थित विद्यामन्दिर माध्यामिक विद्यालयमा कक्षा ८ का विद्यार्थी हुन्।आकाशे रंगको सर्ट र जिन्स पाइन्ट लगाएर धौलागिरी चोकस्थित कोठाबाट बाहिरिएका उनी सम्पर्कमा नरहेको अनिलका आमा मनकुमारी राइले बताइन्। बालकको खोजी कार्य जारी रहेको प्रहरीले जनाएको छ।
प्रकाशित मिति: शुक्रबार, असार २०, २०७६
