साविक विजेता चिलीलाई पराजित गर्दै पेरु कोपा अमेरिका २०१९ को फाइनलमा प्रवेश गरेको छ ।
खेलको २१ औं मिनेटमा पेरुले अग्रता लिएको थियो । खेलको ३८ औं मिनेटमा पेरुका लागि योशीमार योतुनले अग्रता दोब्बर पारे ।
दोस्रो हाफको इन्जुरी समयमा जुआन पाउलो गुरेरोले गोल गर्दै फाइनल यात्रा तय गरे ।
अब घरेलु टोली ब्राजिल र पेरुले उपाधिका लागि प्रतिस्पर्धा गर्ने छन् । ब्राजिलले यसअघि अर्जेन्टिनालाई २-० ले हराउँदै फाइनलमा स्थान पक्का गरेको थियो ।
प्रकाशित मिति: बिहीबार, असार १९, २०७६
