काठमाडौं : बैतडीको सिगास गाउँपालिका वार्ड नम्बर ९ का बालुवाखानीमा च्यापिएर एक महिलाको मृत्यु भएको छ। चार जना घाइते भएका छन्।
स्थास्थ्य संस्था निर्माणका लागि बालुवा लिन गएका उनीहरुको बालुवा निकाल्ने क्रममा बालुवाको ढिस्को नै भत्किँदा ज्यान गएको जनाइएको छ ।
घाइते सबै बझाङ बित्थडचिर गाउँपालिका ५ का हुन्। घटनास्थल दुर्गम भएकाले प्रहरी पुग्न सकेको छैन। मृत्यु हुनेमा साखुरीदेवी महर हुन्। घाइतेहरुको नाम खुल्न सकेको छैन।
प्रत्यक्षदर्शीले देखेका आधारमा घाइतेहरुको उद्धार थालिएको र घटनास्थलमा स्थानीय पनि पुग्न नसकेको बताइएको छ।
प्रकाशित मिति: सोमबार, असार १६, २०७६
