दक्षिण अफ्रिका एक दिवसिय विश्वकप क्रिकेट प्रतियोगिताको लिग चरणबाटै बाहिरिएको छ ।
पाकिस्तानसँग ४९ रनले पराजित भएपछि अफ्रिकाको शीर्ष चारमा रहेर सेमिफाइनल खेल्ने संभावना लिग चरणका दुई खेल अगावै समाप्त भएको हो ।
७ खेलमा १ मा जित र ५ खेलमा हारका साथ नवौं स्थानमा रहेको दक्षिण अफ्रिकाले बाँकी दुबै खेल जितेपनि सेमिफाइनलमा पुग्न सक्दैन ।
६ खेलमा ६ मानै पराजित हुँदै पुछारमा रहेको अफगानिस्तान पनि तीन खेल अगावै लिग चरणबाट बाहिरि सकेको छ ।
३ सय ९ रनको विशाल विजयी लक्ष्य पछ्याएको दक्षिण अफ्रिका निर्धारित ५० ओभरमा ९ विकेट गुमाउँदै २ सय ५९ रनमा समेटियो ।
प्रकाशित मिति: सोमबार, असार ९, २०७६
