काठमाडौं : निर्माणाधीन रसुवागढी जलविद्युत आयोजनाको सुरूङमा थुनिएका सबै कामदारकाे सकुशल उद्धार गरिएको छ ।
शुक्रबार बिहान ७ बजे ११ जना नेपाली र ६ जना चिनियाँ कामदारलाई सुरुङबाट सुरक्षित बाहिर निकालिएको प्रहरीले जनाएकाे छ ।
बिहीबार राति गोसाइकुण्ड गाउँपालिका-२ तातोपानी क्षेत्र नजिक निर्माणाधीन रसुवागढी जलविद्युत आयोजनाको सुरूङभित्र सुख्खा पहिरो खस्दा १७ जना कामदार थुनिएका थिए । उनीहरुलाई उद्धार गर्न रातिदेखि नै नेपाली सेना, सशस्त्र प्रहरी र प्रहरीको टोली परिचालित थिए ।
सबै जनालाई बिहान ७ बजे सकुशल उद्धार गरिएको र सबै खतरामुक्त भएकाे प्रहरीले जनाए ।
प्रकाशित मिति: शुक्रबार, असार ६, २०७६
